ಯೋಜನಾ ನಿರ್ವಹಣೆ

ಹೊಂಬಾಳೆ ಸಮೂಹದ ಯಶಸ್ಸು ಮತ್ತು ಉತ್ಕೃಷ್ಠತೆಯು ನಾವು ಅಳವಡಿಸಿಕೊಂಡಿರುವ ಶ್ರೇಷ್ಠ ಯೋಜನಾ ನಿರ್ವಹಣಾ ವ್ಯವಸ್ಥೆಯ ಫಲವಾಗಿದೆ. ಇದರಿಂದಾಗಿ ಮಾನವ ಸಂಪನ್ಮೂಲ, ಸಾಧನ ಸಲಕರಣೆಗಳು, ನಿರ್ಮಾಣ ವೇಳಾಪಟ್ಟಿ, ಸಾಮಗ್ರಿಗಳ ಖರೀದಿ ಮತ್ತು ಲಭ್ಯತೆಗಳು ಒಂದೊಕ್ಕೊಂದು ಮೇಳೈಸುತ್ತವೆ. ಅಂತಿಮವಾಗಿ ಇದು ಮಾನವ ಸಂಪನ್ಮೂಲ, ಯಂತ್ರೋಪಕರಣಗಳು, ಹಣಕಾಸು ಮತ್ತಿತರ ಸಂಪನ್ಮೂಲಗಳನ್ನು ಗರಿಷ್ಠ ಉಪಯೋಗಕ್ಕೆ ಬಳಸಿಕೊಂಡು ಸಮಯಕ್ಕೆ ಸರಿಯಾಗಿ ನಿಗದಿತ ವೆಚ್ಚದಲ್ಲಿ ನಿರ್ಮಾಣ ಕಾಮಗಾರಿಗಳನ್ನು ಪೂರೈಸಲು ಸಾಧ್ಯ ಮಾಡಿಕೊಡುತ್ತದೆ.

ಹೊಂಬಾಳೆ ಸಮೂಹವು ನಮ್ಮ ಬಳಗದ ತಂಡಗಳು, ಸಹಭಾಗಿ ಸಂಸ್ಥೆಗಳು ಮತ್ತು ಹೊರಗುತ್ತಿಗೆ ಸೇವೆಗಳನ್ನು ಅಡೆತಡೆಗಳಿಲ್ಲದಂತೆ ನಿರ್ವಹಿಸುತ್ತದೆ. ಇದರಿಂದಾಗಿ ಯಾವುದೇ ಗಾತ್ರ, ಕ್ಲಿಷ್ಟತೆ ಅಥವಾ ಸಮಯದ ಗಡುವು ಇರುವ ಯೋಜನೆಗಳನ್ನು ಸಂಸ್ಥೆ ಸುಲಲಿತವಾಗಿ ಅನುಷ್ಠಾನಗೊಳಿಸುತ್ತದೆ.

ಅಗತ್ಯ ಸಾಮಗ್ರಿಗಳನ್ನು ನೇರವಾಗಿ ತಯಾರಿಕರಿಂದ ಅಥವಾ ಅವರ ಪ್ರತಿನಿಧಿಗಳಿಂದ ಖರೀದಿಸುವ, ಗುಣಮಟ್ಟ ಪರೀಕ್ಷಿಸುವ, ಗೋದಾಮುಗಳಲ್ಲಿ ಸಂಗ್ರಹಿಸಿಡುವ ಹಾಗೂ ನಿರ್ಮಾಣ ತಾಣಗಳಿಗೆ ಸುರಕ್ಷಿತವಾಗಿ ಸಾಗಣೆ ಮಾಡುವ ಸೌಲಭ್ಯವನ್ನು ಸಮೂಹ ಹೊಂದಿದೆ.

ಪ್ರಾಥಮಿಕ ನಿರ್ಮಾಣ ಚಟುವಟಿಕೆಗಳಲ್ಲಿ ತೊಡಗುವ ನಿಯೋಜಿತ ಸೈಟ್ ಟೀಮ್ ಗಳಿಗೆ ಬ್ಯಾಕ್-ಎಂಡ್ ತಂಡಗಳು (ಕಚೇರಿ ಸಿಬ್ಬಂದಿಯ ತಂಡಗಳು) ಸೂಕ್ತ ಬೆಂಬಲ ನೀಡುತ್ತವೆ. ಇದು ಸಕಾಲದಲ್ಲಿ ಶ್ರೇಷ್ಠ ದರ್ಜೆಯೊಂದಿಗೆ ಯೋಜನೆ ಅನುಷ್ಠಾನವಾಗುವುದನ್ನು ಖಾತ್ರಿಗೊಳಿಸುತ್ತದೆ. ಇವುಗಳನ್ನು ದಕ್ಷ ಸಂವಹನ ವ್ಯವಸ್ಥೆ ಮತ್ತು ಮಾಹಿತಿ ತಂತ್ರಜ್ಞಾನದೊಂದಿಗೆ ಸಂಯೋಜನೆಗೊಳಿಸಲಾಗಿದೆ.